Sægreifinn

Var á rúntinum í miðbænum í dag. Leiðinda rok og rigning. Mikið vorkenndi ég útlendingunum sem voru á ferðinni. Þau voru gjörsamlega að drukkna í roki og rigningu. Ég kíkti aðeins í Kolaportið og átti reyndar erindi þangað, aldrei þessu vant. En mér finnst orðið mjög gaman að kíkja þangað. Fannst það ekki gaman hér áður.

En síðan ákvað ég að kíkja til Sægreifans margfræga í gömlu verbúðunum við Miðbakkann. Það vantaði ekki að hún var góð Humarsúpan margfræga. Ég hefði reyndar viljað hafa hana ögn þykkari, sem þýðir meiri rjóma  Já... nei... þetta var fínt svona. Maður verður auðvitað að hugsa um línurnar

Það er eitthvað við þennan stað sem er mjög sjarmerandi. Mæli alveg með því að kíkja þangað í súpu.

www.saegreifinn.is       www.kolaportid.is