Vinsælt blogg

Hún Ellý Ármanns sem starfar sem þula hjá Rúv, er með eitt vinsælasta bloggið á íslandi. Það eru þúsundir sem heimsækja hana daglega. Hún er með stuttar frásagnir sem eiga að vera samtöl hennar við vinkonur hennar. Allt tilbúningur en ein sagan hennar gerði það að verkum að ein samstarfskona mín varð fyrir smá stríðni og áreitni. Þetta var reyndar um leið umdeild auglýsing fyrir Garðheima. En þetta skrifaði hún :

 

"Það er hrikalegt að sjá þig svona. Hvernig get ég hjálpað þér?" spurði ég frumlegu vinkonu mína sem hefur þor til að takast á við flestar aðstæður.

"Þú getur byrjað á að hjálpa mér úr þessu kjánalega plastdrasli," kjökraði hún hvekkt  og öskraði: "Ég hata þetta Ellý! Það er ekki nóg að hann vilji að ég leiki heimska hjúkku, fullnægi honum á hverju einasta kvöldi, heldur er bakið á honum útatað í viðbjóðslegum stórum graftarkýlum," útskýrði þessi glaðlynda gæfusama fjölskyldukona sem tók nýverið við blómaskreytingadeildinni í Garðheimum.

"En af hverju hjúkkubúningur?" spurði ég forvitin vitandi að hún hefur alls ekkert á móti einhæfni í kynlífinu.

"Sprauturnar!" svaraði hún og snýtti sér. "Svo er ekkert annað sem virðist æsa hann upp."

"Vá. Þið eruð ekki í lagi," sagði ég undrandi og spurði hvenær hrausti þakkláti fáláti maðurinn sem hún hafði verið gift í bráðum ellefu ár hætti að fá fullnægingu við það eitt að kyssa hana.

"Ég veit það en ég hef alltaf hjálpað honum að sprauta sterunum í rasskinnarnar þegar krakkarnir eru sofnaðir. Svo er mótið í byrjun júní," útskýrði hún en sagðist þrátt fyrir erfitt en fjörugt nautnalíf undanfarnar vikur ætla að leggja sig betur fram við að blómstra, læra og þroskast af því sem aðrar konur myndu álíta mistök...

 

Ef þið viljið lesa meira hjá Ellý þá er slóðin hennar : www.ellyarmanns.blog.is