Hvað er allt þetta fólk að gera?

Tók mér frí í vinnunni í dag. Var þ.a.m. að heimsækja tannlækninn minn. Var að fá tvær krónur í góminn minn eða túkall eins og ég kalla það.... ég er svo fyndin ef þið eruð ekki nú þegar búin að uppgötva það  En nóg um það. Ég fór á búðarráp í dag. Eitthvað sem ég geri ALDREI. En ákvað að eyða deginum í búðarrápi með tengdamóður minni. Það var reyndar alveg ótrúlega gaman. Kannski líka vegna þess að hún er svo skemmtileg kona. En það var eitt sem við vorum að undra okkur á. Hvað er allt þetta fólk að gera sem er á ferðinni? Ég meina er enginn í vinnu svona á miðjum degi? Það var alveg sama hvar við vorum. Alls staðar var fullt af fólki. Ég meina það er október... ekki mitt sumar. Það er miðvikudagur = MIÐ VIKA ! Af hverju er allt þetta fólk á ferðinni í umferðinni, í búðunum, á kaffihúsunum og allt? Við fórum að velta þessu fyrir okkur og fórum að telja upp möguleikana. Þegar við byrjuðum þá kom ýmislegt í ljós, sko...

• Það voru einhverjir að nýta orlofsdagana sína, eins og ég
• Einhverjir af landsbyggðinni í kaupstaðaferð, eins og tengdó
• Sumir vinna vaktavinnu og voru á frívakt
• Einhverjir voru að "skreppa" frá úr vinnu
• Svo eru jú ellilífeyrisþegarnir
• Aðrir hafa það að vinnu að vera á ferðinni
• Margir vinna ekki og eru á örorkubótum
• Aðrir vinna ekki og eru á atvinnuleysisbótum
• Svo er slatti í fæðingar- eða feðraorlofi
• Eins eru jú einhverjir í hlutastarfi og voru á leið í eða úr vinnu

Eitthvað fleira sem ykkur dettur í hug?

Athugasemdir

[Erla Björg (IP-tala skráð) 18.10.2007 kl. 12:06]

Ég er viss um að það hafa verið þarna inn á milli einhverjir atvinnuaumingjar og slatti af "skreppum" sem hafa skilið eftir jakkan sinn á stólnum í vinnunni... hef reyndar séð það að það eru frekar karlmenn sem gera þetta. Svo eru einhverjir " shopoholic" sem eru í fæðingarorlofi sem bara geta ekki verið heima og þurfa að eyða peningum .. ekki eins og ég.. að finna mér endalaus verkefni heima fyrir... og ef ég fer út þá er fólkið sem ég ætla að heimsækja einhverstaðar á rápi eða fer ekki á sínum bíl í vinnuna sína....

[Guðrún frænka (IP-tala skráð) 18.10.2007 kl. 19:31]

Svo eru einhverjir námsmenn sem eru ekki í tímum allan daginn!

En annars hef ég oft pælt í þessu sama! "hvað er allt þetta fólk að gera hérna?"

[Oddný Guðmundsdóttir , 19.10.2007 kl. 10:20]

Já, námsmenn.  T.d. þegar að ég skrifaði B.s verkefnið mitt hittum við alltaf leiðbeinandann á kaffihúsum.  Það hljóta að vera ansi margir námsmenn á stór-Reykjavíkursvæðinu.

[Steinunn (IP-tala skráð) 20.10.2007 kl. 18:37]

Kannski eiga þau svo mikið af peningum að þau þurfa ekki að vinna, þau þurfa að hafa sig alla við til að eyða öllum peningunum því að ekki fer maður með þetta úr þessu jarðlífi. 

[Anna Viðarsdóttir, 23.10.2007 kl. 16:14]

Já, ég sé það þegar að upp er staðið að það er sennilega fullt af fólki sem er ekki svona "venjulegt" eins og ég