Brandaravikan

Þessa vikuna ætla ég að koma með einn brandara á dag. Svo ef að ég dett um eitthvað annað sniðugt líka þá kemur það bara aukritis   Hér kemur mánudagsbrandarinn. Smá smámunasemi á spænskuframburður hér.

Guðmundur var að spjalla við Tom, kunningja sinn í Kaliforníu.
„Ég er að fara til La Jolla í næstu viku," sagði Guðmundur.
„Þú átt að segja La 'Hoj-a'!" greip Tom fram í.
„Ó, ég skil. Við hjónin ætlum að dvelja á El Cajón hótelinu."
„Þú meinar El Ca 'Hóne' hótelinu!" leiðrétti Tom aftur.
„Úps, ég skil."
„Hvenær ferðu svo aftur til Íslands?" spurði Tom.
Guðmundur hugsaði sig um í smástund og sagði svo varfærnislega:
„Veit ekki, annaðhvort í húní eða húlí." 

 

Athugasemdir

[Erla Björg (IP-tala skráð) 5.3.2008 kl. 14:58]

Konan kemur heim á harðahlaupum og kallar hátt og snjallt. Gunni Gunni.. ég vann 50 milljónir í lottó. Farðu og pakkaðu niður á stundinni.

Gunni varð mjög undrandi en kátur og kallaði á konu sína úr skápnum þegar hann var að pakka niður. Gógó eru það sundföt eða skíðaföt??

Heldur þú að mér sé ekki sama. Drullaðu þér bara út héðan