Prag

Jæja, komin heim frá ferð til Prag. Það eru miklar andstæður í þessari borg. Þessi gamla fallega borg er full af ferðamannabúðum í miðbænum. Alls staðar það sama í þessum búðum. Vörur merkt Prag, kristall, skartgripir,strengjabrúður, málverk af Prag svo allir víetnamarnir með töskurnar, fatnaðinn og þetta sem þeir eru með út um allan heim. Alltaf að reyna að draga mann afsíðis og gera manni alveg sérstakt tilboð. Frekar þreytandi. Mjög fáir góðir í enskunni og stundum erfitt að ná að gera sig skiljanlegan. Svo er það fólkið fyrir utan miðborgina. Þar er allt svo gamalt og rosalega á eftir miðað við V-Evrópu. Þar talar enginn ensku og allir þurrir á manninn og ókurteisir. Rosalega skrítið að fá svona viðmót. Svo ef að maður var að spyrja að einhverju þá var bara yppt öxlum, hrist höfuðið og sagt eitthvað á tékknesku. Sem ég auðvitað skildi ekki. Fararstjórinn var reyndar búin að "vara" okkur við þessu. Sagði að þetta væri angi af því þegar að fólk treysti ekki neinum um og eftir seinni heimstyrjöldina og var alltaf á varðbergi gagnvart ókunnugum. Enda var eldra fólkið frekar þungbrýnt og alvarlegt á svipinn. Ég opnaði sem dæmi hurð fyrir eina gamla sem var með hækju og innkaupakerru. Var eitthvað að vandræðast með hurðina. Ég hljóp til og hélt við hurðina fyrir hana og hún hreytti bara einhverju í mig á tékknesku og var ekkert ánægð með þessa afskiptasemi mína. Við urður alveg hvumsa á þessum viðbrögðum hennar, en ég vildi auðvitað vel.

En borgin sérstaklega gamli bærinn er alveg rosalega falleg. Maður þarf bara að horfa upp fyrir ferðamannabúðirnar. Það var frekar kalt sem er ekki heppilegt í svona borg, því að þú vilt vera utandyra og njóta borgarinnar sitjandi á útikaffihúsi. Það var ekki hægt þessa vikuna, það meira að segja snjóaði á okkur... takk fyrir!

                  

Snjóaði á okkur þegar að við fórum í skoðunarferð um borgina.           Í myndinni Mission Impossilbe var atriði þar inni.

En Prag, jú allt í lagi að heimasækja hana. Bara að vera meðvitaður um gallana fyrir svo að það komi ekkert óþægilega á óvart.

Athugasemdir

[Steinunn (IP-tala skráð) 30.3.2008 kl. 09:22]

Hæ bæði tvö.  Mikið er ég feginn að þið séuð kominn heim frá Parg.  'Eg er búinn að sakna ykkar allveg svakalega mikið og hlakka til að hitta ykkur á morgunn í vinnunni.  Vona að Alli hafi byrgt sig vel upp af lakkrís í fríhöfninni á leiðinn heim.  kveðja Steinunn

[Anna Viðarsdóttir, 30.3.2008 kl. 22:57]

Takk fyrir hlýjar kveðjur Steinunn mín. Við sitjum hérna í þessum skrifuðu orðum, hlið við hlið skötuhjúin og gæðum okkur á lakkrís sem var keyptur í Fríhöfninni

[Áslaug Kristinsdóttir, 1.4.2008 kl. 00:01]

Velkomin heim, ég saknaði ykkar smá. Takk fyrir upplýsingarnar um Prag. Fyrir nokkrum árum var mér boðið til Prag en ég afþakkaði og fór til Istanbúl í staðinn. Næst þegar mér verður boðið til Prag ætla ég ekki að afþakka, heldur fara þangað og kaupa kristal, strengjabrúður og málverk af Prag