Skógarkapellan

Ensk hefðarfrú ætlaði að eyða fríi sínu í þýsku fjallaþorpi. Hún kunni ekki mikið í þýsku, en kom þó saman bréfi á bjagaðri þýsku, sem hún sendi skólastjóranum í þorpinu. Í bréfinu, bað hún skólastjórann um upplýsingar um eitt og annað, svo sem staðsetningu hússins, sem hún átt að dvelja í, útsýni og fleira.

Jú, jú, skólastjorinn skildi þetta all, nema eitt. Það var skammstöfun, sem hann botnaði alls ekkert í. Frúin hafði skrifað:

"Eftir því sem ég kemst næst, er væntanlegur dvalarstaður minn mjög afskekktur. Þér megið því ekki vera undrandi þó að ég gerist svo djörf að spyrja, hvort að á staðnum sé nokkur WC?"

"WC," hugsaði skólastjórinn, "hvað er það nú fyrir nokkur?" Þar sem skólastjórinn gat ómögulega fundið út merkingu þessarar skammstöfunar, fór hann til vinar sína, þorpsprestsins og bað hann að hjálpa sér. Að lokum fundu þeir vinirnir það út, að þessi skammstöfun ætti við þann fræga stað, skógarkapelluna, sem laðaði að sér fjölda ferðamnna á hverju sumr. Að sjálfsögðu hét kapellan á ensku, Wood Chapel, sem trúlega væri skammstafað WC. Ánægður með þessi málalok, skrifaði skólastjórinn frúnni síðan svarbréf:

"Yðar náð! WC er staðsett um það bil 10 km frá húsi yðar, mitt í afar fallegum furuskógi. Þar er opið á þriðjudögum og föstudögum milli klukkan fimm og sjö. Þetta kemur sér ef til vil illa fyrir yður, ef þér eruð vön að heimsækja slíkan stað daglega. En ég get glatt yður með því, að margir hafa með sér mat og dvelja á staðnum daglangt. Í WC eru sæti fyrir 80 manns, en jafnframt eru svo næg stæði. Ég vil þó ráðleggja frúnni að mæta snemma, því að þeir sem koma seint geta ekki verið öruggir um að komsta inn. Hljómburðuirnn þarna er mjög góður, svo jafnvel hin veikustu hljóð, heyrast mjög vel. Ég vildi svo að lokum ráðleggja frúnni að heimsækja umræddan stað á föstudögum, því þá er þarna orgelundirleikur.

P.S. Konan mín og ég höfum ekki haft tækifæri til að heimsækja þennan stað í 3 mánuði og veldur það okkur að sjálfsögðu miklu kvölum, en því miður... leiðin er svo löng." 

Athugasemdir

[Áslaug Kristinsdóttir, 20.7.2008 kl. 00:17]

Orgelundirleikurinn er snilld