Vatnsberi 20.janúar - 19.febrúar

Þú ert sérvitur og skrýtinn og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun allaf einn, frosinn í einskins manns landi. Týndur á skýi í háloftunum.

Ef makinn öskar framhjáld segirðu já, bara til að vera nastý. Þú rekur höfuðuð alls staðar upp undir því þú telur þig vera svo hátt yfir aðra hafinn.

Vanheill Vatnsberi: Mozart, endaði sem glórulaus og auralaus alkó-hólisti.

Steingeit 22.desember - 20.janúar

Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titilum og merkjavöru.

Þú ert tilfinningalega lokið snobbhæna og nískur þunglyndissjúklingur með lamandi sjálfseyðingarhvöt.

Sjúk Steingeit: Martin Luther King, siðlaus í kvennamálum. vildi verða 125 ára, en var skotinn 39.

Bogmaður 22.nóvember - 21.desember

Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá helypur þú í verkefni sem þú ræður ekki við.

Þegar vandamál koma upp smíðar þú þér eldflaug og stingur af til tunglsins. En alltaf að móðga fólk með ómeðvituðum, en sármóðgandi athugasemdum.

Baldinn Bogamaður: Beethoven, þunglyndur og heyrnaskertur snillingur.

Sporðdreki 23.október - 21.nóvember

Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndarveikur og tortrygginn, móðast útaf engu og gerir úfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Þú er kaldhæðin, yfirþyrmandi og stjórnsöm orkusuga sem blaðrar öllu sem þér er treyst fyrir.

Sögulegur Sporðdreki: Count Dracula frá Transylvaníu, drakk m.a. blóð og var trúlega ekki til.

Vogin 23.september - 22.október

Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bak við aðra. Það tekur þig óratíma að taka ákvarðanir, en þegar það loksins gerist, ertu óhagganlegur. Enda of latur til að hugsa málin aftur og of upptekin af því að smjaðra fyrir öðrum.

Þú ferð í Elko til að fjárfesta í hárblásara, hangir þar til lokunar, meltir mögulega kaup í ár og hættir svo við. Ef þú ert kona ertu vergjörn, ef þú ert maður ertu rola.

Virk Vog: Oscar Wilde írskur leikritahöfundur, ljóðskáld og smásöguhöfundur (stunginn í steininn fyrir hommaskap).

Meyjan 23.ágúst - 23.september

Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Þú blaðrar út í eitt, gleymir að anda og það líður yfir þig. Þú er smámunarsamur nöldrari og taugaveiklaður baktalari.

Morðóð Meyja : Ívan grimmi, drap ófríska tengdadóttur sína fyrir ósæmilegan klæðaburð og drap óvart son sinn fyrir afskiptasemina.

Ég tek það fram að ég er Meyja. Þess vegna byrjaði ég á henni. En þessar lýsingar rakst ég á, reyndar í tvennu lagi. Mér fannst þetta bara svo hrikalegar lýsingar að ég stóðst ekki mátið að halda upp á þær, án þess að vera þá búin að ákveða hvað ég ætlaði að gera með þær. Deili þeim hér með, með ykkur.

Á morgun er það Vogin ;)

Sumargrill

Grilltímabilið í hámarki. Allir að grilla. Húsmæður gleðjast yfir því að þurfa ekki að standa yfir pottunum, því bóndinn sér um grillið  VEI!

Þannig gengur þetta fyrir sig:

Frúin verslar í matinn. Frúin býr til salat, græjar grænmeti sem á að grilla og býr til sósu. Frúin undirbýr kjötið. Finnur til réttu kryddin, setur kjötið á bakka ásamt grill áhöldum.

Bóndinn situr við grillið með bjór í annarri

Lykillatriði :

Bóndinn setur kjötið á grillið! Frúin fer inn, finnur til diska og hnífapör. Frúin fer út og segir bóndanum að kjötið sé að brenna. Bóndinn þakkar henni fyrir og biður hana um að koma með annan bjór á meðan hann tæklar ástandið.

Annað lykilatriði :

Bóndinn tekur kjötið af grillinu og réttir frúnni. Frúin leggur á borð. Diskar, hnífapör, sósur, salat og annað meðlæti, ratar á borðið. Eftir matinn gengur frúin frá öllu.

Mikilvægast af öllu :

Allir þakka BÓNDANUM fyrir matinn og hversu vel HONUM tókst upp. Bóndinn spyr frúnna hvernig henni hafi líkað "frídagurinn" ...og eftir að hafa séð svipinn á henni, ákveður hann að það er ómögulegt að gera konum til geðs.

  Verði ykkur að góðu!

Leti

Ég verð að viðurkenna að ég er búin að vera ögn löt að setja eitthvað hér inn. En núna ætla ég að setja smá kraft í þetta. En eins og þið vitið þá er ekki mikið vitiðborið sem fer hér inn hjá mér, en það með vilja gert.

Ég er ekki pólitíst í mér og langar ekki að troða skoðunum mínum á aðra hér á þessum miðli. Hef enga þörf fyrir það. Er bara að setja inn alls konar skemmtilegt bull og fánýtan fróðleik.

Ætla að fara að skella inn skemmtilegum lýsingum á stjörnumerkjum sem ég komst yfir. Tek kannski einn stjörnumerki fyrir á dag. Ætla mér ekki t.d. að fara að keppa við Ellý Ármanns með örsögum. Gæti alveg gert það, en þá er þetta farið að vera kvöð og þá er ekkert gaman lengur.

 Eru þið annars ekki í sumarskapi?

19. júní

Eru ekki örugglega allir að flagga

bleika litnum í dag?

 

Sjö undur veraldar

Það stendur yfir kosning yfir nýjan lista yfir sjö undur veraldar. Þann 07.07.07 verða þau valin en með aðstoð almenning um allan heim. Það er komin síða þar sem hægt er að taka þátt í kosninunni. Hún getur verið ögn þung í vinnslu þessi síða, eftir því hvað eru margir inni á henni í einu. En það væri gaman að taka þá í þessu

www.new7wonders.com